ألحق عمرك قبل لا تروح فيها

خطير جداً ..... أرجو الحذر

تعرفون ان في الفتره هذه انتشرت اللابتوبات اللي فيها كاميرا

واي واحد شاري هالابتوب مبسوط فيه ولااج راسنا بكاميرته

وماشي عند الناس فشخره لابتوبي فيه كاميرا

لكن اللي اغلبكم ما يعرفه انه انتشر برضو برنامج

يشغل الكاميرا بالمسنجر او السكايبي وانت ما تدري

يعني راعي البرنامج يدخل عليك ويشوفك وانت تحسب كاميرتك طافيه

ولا والامرالثاني انه حتى الشخص اللي انت ما سويت له قبول يقدر يشغل كاميرتك عن

طريق الرسالة الفورية هذه ميزة بمسنجر بلس

واللي خلاني اكتب الموضوع هالسالفة :

يوم الاثنين اللي فات كنت رايح لواحد من اخوياي

وهالولد انا افهم وش فيه من تعابير وجهة

وشفته مبين عليه الهم والغم والدنيا مو شايلته

سالته وش فيك ؟

وقالي سمعت عن البرنامج اللي يشغل كاميرا النت

قلت له ايييييه وش بلاه

قال انا يوم السبت تارك ماسنجري مفتوح

واللابتوب مشغل

ورحت اتروش ورجعت ابدل بغرفتي
يعني كان عريان

يقول شويه واسمع صوت المسن اللي يطلع كان فيه واحد كتب لي كلام

ولما دخلت الا واحد يقولي شخبارك ومن هالكلام

وما امداه اخذ دقيقتين الا يقولي بوريك شيء .. مقطع فيديو

خويي تحمس وجا يبي يطالع الا المسكين شاف نفسه وهو يبدل

يقول خويي الحمد لله ما اغمي علي ولما اخذ وعطى معي في الكلام

الولد قاله اذا ما تبي المقطع ينتشر ادفع لي 1000 ريال شحن سوا ترسلها لي

طبعن خويي ما وافق لانه عارف ان الولد بيرجع له مرة وثنتين و3

الولد للاسف عمره 21 ومبين عليه ( طعس ) وعاطل وما هامه احد

حتى لما خويي قاله اتق الله فيني قاله مو شغلي ولا تفتحلي مواضيع دين

المهم ان الولد مهدد انه ينتشر المقطع

وخويي من امس وهو مصدوم وحالته حاله وخايف

والسبب كله كاميرا اللابتوت اللي حنا فرحانين فيها

عشان كذا نصيحة مني لكم شوفو لها حل

غطوها بورقه او كسروها وجيبو وحده

طبعن مو خويي انا

::
منقول للإفادة